Skena aspak të hijshme kanë ndodhur në përballjen e djeshme mes AZ Alkmarit dhe Uest Hemit. Pas përfundimit të ndeshjes, ultrasit holandezë kanë vendosur të sulmojnë fizikisht familjarët e lojtarëve të ekipit kundërshtar. Por i menjëhershëm ka qenë reagimi. Familja është e shenjtë dhe futbollistët e Uest Hemit kanë vrapuar menjëherë për t’u dalë në mbrojtje.
Ata kanë kapërcyer barrierat që ndodheshin anës fushës për të shkuar drejt tribunës ku ndodheshin të afërt e tyre në mënyrë që të përlesheshin me huliganët. Por ishte një tifoz i guximshëm i Ëest Ham i cili arriti i vetëm të mbronte familjet e lojtarëve nga një turmë e tërbuar huliganësh holandezë, përpara se të vinte ndërhyrja e policisë.
