Një tjetër aksident ka ndodhur pranë mbikalimit të Patokut, në autostradën e Laçit, si pasojë e të cilit 6 persona kanë mbetur të lënduar.
Ngjarja ka ndodhur pak minuta më parë, ndërsa janë përfshirë në aksident dy autovetura.
Katër nga të plagosurit janë dërguar për ndihmë mjekësorë në spitalin e traumës në kryeqytet, ndërsa 2 të tjerë po marrin mjekim në spitalin e Laçit.
Në vendngjarje kanë shkuar grupi hetimor dhe policia rrugore për të zbardhur shkaqet e aksidentit.
