Koalicioni “Bashkë Fitojmë”, edhe pse humbi me diferencë të thellë, duket se nuk e ka aspak ndërmend të njohë rezultatin e zgjedhjeve lokale të 14 Majit.
Forumi Rinor i koalicionit “Bashkë Fitojmë” në Kamzë ka lajmëruar se ditën e nesërme në orën 11:00 do të zhvillojë një proteste paqësore përballë ambienteve të Komisionit Qëndror të Zgjedhjeve, për të kundërshtuar rezultatin zgjedhor.
“Ju bëjmë me dije se ditën e Enjte, datë 18.05.2023 nga ora 11.00, përballë ambienteve të Komisionit Qendror të Zgjedhjeve nga ana e Forumit Rinor të koalicionit “BASHKE FITOJMË”, do të zhvillohet një protestë paqësore për kundërshtimin e procesit zgjedhor të mbajtur në Kamzë më datë 14.05.2023,”– thuhet në njoftim.
Kujtojmë se ditën e nesërme rikthehet dhe Kuvendi i Shqipërisë.
