Napoli u shpall kampion në Serinë A pas 33 vitesh pritje. Pas përfundimit të ndeshjes, shumë tifozë napolitanë u futën në fushë për të festuar, por ultrasit e Udineses iu prishën festën.
Ata u futën në fushë, teksa dhunua me rripa dhe grushte disa prej tifozëve të Napolit, duke shkaktuar një rrëmujë të madhe, teksa u desh ndërhyrja e policisë që situata të mos përshkallëzonte edhe më shumë.
Sipas njoftimit të policisë, kanë mbetur të plagosur 8 tifozë napolitanë, teksa dy prej tyre ndodhen në spital.
Njëri ka pësuar dëmtim në kokë dhe tjetri frakturë në këmbë.
Ndërsa një 26-vjeçar, Vincenzo Kostanzo, ka humbur jetën pasi u plagos nga të shtënat me armë zjarri.
Ngjarja ka ndodhur në zonën e “Piazza Volturno”. Ai u transportua në spital, por nuk arriti të mbijetonte për shkak të plagëve të marra.
