Dinamo arriti të siguronte dje matematikisht një biletë për në Superiore. Edhe pse u mposhtën 2-1 nga Lushnja, kryeqytetasit do të jenë pjesë e elitës. Për Lushnjën kjo sfidë ishte jetike për vetë pozitat në tabelën e klasifikimit. Megjithatë hije dyshimi janë hedhur për mënyrën se si u interpretua takimi.
Madje në rrjetet sociale është bërë virale një video në momentin e penalltisë së lushnjarëve. 11-metërshi u përsërit. Canka mori përsipër goditjen, por gjuajtja e tij përfundoi jashtë. Në këtë çast lojtari i Dinamos, Ilir Allmuça shfaqet në video duke vënë duart në kokë. Për më shumë iu ftojmë të ndiqni pamjet e mëposhtme.
