Krim i rëndë në Tiranë. Pak pas mesnatës në rrugën “4 Dëshmorët” një 20-vjeçar humbi jetën si pasojë e përleshjeve me thika me dy 18-vjeçarë.
Dy personat, njëri prej tyre i arrestuar, Ensi Maze kanë goditur me thikë Stiven Toshkezin, i cili si pasojë e plagëve të marra ka ndërruar jetë në spital.
Në kërkim bashkëmoshatari i të arrestuarit Axel Hoxhaj. I riu që humbi jetën tragjikisht punonte montazhier me nënën në televizion tek TV Klan.
Por si ndodhi sherri?
Dy palët ishin përleshur edhe disa ditë më parë. Shkak ishte bërë fakti që njëri prej 18-vjeçarëve ngacmonte të dashurën e 20-vjeçarit dhe për këtë shkak 2 javë më parë në Rrugën e Elbasanit ata ishin zënë.
Stiven Toshkesi ishte përleshur me grushte duke nisur zanafillën e konfliktit.
Për këtë ngjarje, Maze dhe Hoxhaj, morën hak, u takuan me Toshkesin dhe pas sharjeve, ofendimeve dhe grushteve e qëlluan me thikë duke i marrë jetën.
