Një incident ka degraduar në përplasje fizike mes dy shoferëve pranë rrethrrotullimit të Zogut të Zi pasditen e sotme. Policia sqaron se pas përplasjes së dy makinave, shoferët dhe një tjetër person janë konfliktuar me grushte. Si pasojë e goditjeve, tre personat kanë marrë lëndime të lehta.
Njoftimi i policisë:
Ditën e sotme, rreth orës 18:45, afër rrethrrotullimit të Zogut të Zi, shtetasi A. H., 49 vjeç, banues në Dibër, dhe M. H., 23 vjeç, banues në Tiranë, kanë gërvishtur automjetin që drejtonte shtetasi E. Sh., 28 vjeç, banues në Tiranë. Pasi janë gërvishur dy mjetet, kanë dalë të dy palët duke u konfliktuar dhe kanë goditur njëri-tjetrin me grushte. Si pasojë e goditjeve kanë marrë dëmtime të lehta.
Të dy palët e përfshira në konflikt janë shoqëruar në komisariat dhe po punohet për sqarimin e rrethanave të ngjarjes.
