Tetë persona u arrestuan sot në Durrës pas dy operacioneve. Ata shpërndanin kokainë në lokalet e natës. Në pranga ka rënë furnitori Goni Muça, i cili njihej edhe me tre emra të tjerë, Gentjan Lici, Gentjan Muça, Gentjan Ferra. Po ashtu në pranga kanë rënë Tani Muça, Amonali Halili, Ergi Curri, Kristel Balla, Gentian Konesha dhe Stivens Bulku.
Katër të rinjtë Stivi Bulku, Ergi Curri, Kristel Balla dhe Gentian Konesha, që u arrestuan sot si anëtarë të grupit kriminal që furnizoheshin me kokainë nga Genti Muça dhe e shpërndanin në zona të ndryshme të Durrësit dhe në grupe kriminale janë përdorues të rrjeteve sociale dhe numërojnë mijëra ndjekës në Tik Tok. Report Tv shkruan se Stivi Bulku ka marrë pjesë edhe në serialin ‘Aventurierët’ që numëron gati 50 mijë ndjekës në Instagram.
