Arrestohet shoferi i kamionit që përplasi për vdekje Oligert Dikën dje në Tiranë. Në rrugën “Kastriotët” kamioni aksidentoi të riun që vdiq në spital.
“Specialistët e Qarkullimit Rrugor arrestuan shtetasin K. F., 35 vjeç, banues në Tiranë, pasi duke drejtuar automjetin, ka aksidentuar me pasojë vdekjen, shtetasin O. D., 32 vjeç, banues në Tiranë” njofton policia.
32-vjeçari Oligert Dika, i njohur dhe në TikTok për videot e tij si ‘Olsi polici’ nuk arriti që të mbijetonte si pasojë e plagëve të rënda që mori në trup nga përplasja e kamionit.
