Olta ka vendosur të heqë dorë nga gara e saj në Big Brother. Vendimi i saj ishte i papritur për banorët e shtëpisë dhe publikun gjithashtu.
Ajo ka shprehur mungesën e djalit dhe shpesh ka pasur gjendje të rënduar emocionale. Ajo ka thënë se para se të jetë lojtare e Big Brotheri-t, është nënë dhe familja për të është gjëja më e shenjtë.
Olta: Kam zgjedhur të jem e fortë dhe të dukem e hekurt. Këtë lojë do ta kisha lënë me kohë, e bëra për të sfiduar veten time dhe jam ku jam sot pas 100 ditësh. E kam fituar Big Brotherin tim. Kam kaluar emocionet më të mëdha këtu brenda. Kam qarë shumë herë fshehurazi. Unë e di sa më mungon Amari. Jam e djegur nga malli për të. Hyra këtu që të luaj, që të bëj historinë time, të krijojë kujtimet më të bukura të jetës sime dhe mendoj që ja dola. Amari është i imi, unë e di se sa e dua, se sa më mungon. Në këto momente jam e djegur nga malli për të. Është një nga vendimet më të vështira.
Banorët e tjerë janë munduar t’i ndryshojnë mendim dhe të vazhdojë të qendrojë, ku Luizi ka qenë ai që ka tentuar më shumë, por nuk ia kanë arritur dot.
Olta ka qenë një ndër lojtarët më të spikatur brenda shtëpisë së Big Brother Vip. Në momentin e largimit, banorët e vjetër të asaj shtëpie nuk i kanë mbajtur dot lotët, mes tyre dhe Luizi, i cili ka qenë i fundit që e ka përqafuar dhe i kërkoi falje nëse e ka lënduar me diçka gjatë lojës.
