Italia është lëkundur nga një tërmet i fortë me magnitudë 4.6 ballë që është regjistruar në Molise. Tërmeti është ndjerë edhe në disa zona të Campanias, Puglia, Abruzzo dhe Lacio.
“Njerëzit iknin me pizhame, frikë e madhe. Njerëzit janë larguar nga shtëpitë me pizhame, me nxitim, ka frikë të madhe edhe për shkak të problemit të rrëshqitjes së dheut të vitit 2017 që tashmë ka cenuar stabilitetin e pjesës së sipërme të vendit”.
Kështu deklaroi kryebashkiaku në provincën e Campobasso, Paolo Manuele. Tërmeti kishte një thellësi 23 kilometra pranë Montaganos disa kilometra nga Campobasso. Goditja e fortë u ndje qartë në të gjithë provincën fqinje të Beneventos.
