Kryetari i Partisë Socialiste në Rubik, Pal Tushaj, ka dhënë shpjegimet e tij mbi vendimin që mori duke dhënë dorëheqje pas rikandidimit të Ndrec Dedajt në Mirditë.
Në një lidhje live për “News24”, ai pohoi se nuk ndihej i përfaqësuar me këtë rikandidim të Dedajt, madje shtoi se në zgjedhje do votojë për kandidatin e PD-së, Albert Belushin.
“E kam shpjeguar që nuk ndihem i përfaqësuar, po ashtu si dhe socialistët. PS mbështeti Dedën, mandati i dytë erdhi se ishte i pëlqyer nga persona të caktuar nga PS. Në mandati e tretë, nuk u ndoq asnjë rregull demokratik, por erdhi me urdhër nga lart. Ndrec Deda nuk përfaqëson denjësisht PS-në. Ndoshta ne na ka si dorë të dytë. Mirëdita ka nevojë për një kryetar të denjë. Që ta ketë ditë e natë dhe jo me kohë të pjesshme, një herë në dy muaj.
Nëse je kundër tij, ai të heq nga puna. Mua më ka kërkuar të largohem. Deda i është prezantuar Ramës, jo ashtu siç është apo ashtu siç u intereson disave.”, tha Tushaj
