Kreu i Partisë së Lirisë Ilir Meta ka reaguar në lidhje me ngajrjene rëndë të shënuar në ambientet e Top Channel ku nga një sulm u vra roja Pal Kola.
Meta shkruan se sot u vra një roje dhe pak ditë më parë një pastruese në lokalin e Don Boskos. Ai shprehet se epoka e krimit duhet të marrë fund, që të vijë epoka e shqiptarëve.
Postimi i plotë i Metës:
Edhe sot krimi e mori një jetë. Një jetë të pafajshme, të një punëtori. Sot një roje televizioni, para pak ditësh një pastruese lokali. Viktimat e krimeve nuk janë të largët e të panjohur, ata janë njerëzit tanë, bashkëqytetarët tanë, shqiptarët tanë.
Bashkohem me pikëllimin dhe dhimbjen e familjarëve dhe gjithë shoqërisë sonë.
Epoka e krimit duhet të marrë fund, që të vijë epoka e shqiptarëve.
Dhe do të marrë fund, shumë shpejt!
