‘Lajthit’ Gurra i Librazhdit. Organizon 15 tendera në tre muaj.
Si asnjëherë më parë, në prag të këtyre zgjedhjeve vendore, kryetarët e bashkive të cilët nuk e kanë të sigurtë vazhdimin e mandatit, po bëjnë maksimumin për të ‘përlarë’ gjkthcka kanë mundësi në këto muaj të mbetur. I tillë është edhe rasti i bashkiakut të Librazhdit Kastriot Gurra, të cilit ja ka ‘ndjerë bytha lagështirën’ qysh në janar.
Dhe me llogjikën ‘kap ca të kapësh’, bashkia që ai drejton ka nisur organizimin e disa tenderave të njëpasnjëshëm deri në limitet e afateve që ligji i parashikon. Nëse hulumton në faqen e transparencës në tendera ‘Openprocurment’, vë re që bashkia Librazhd ka organizuar plot 15 tendera nga fillimi i Janarit 2023 e deri më 14 Mars 2023 kur është edhe afati i fundit i organizimit të shpalljeve të tenderave nga bashkitë.
Pra i bie që bashkia e Librazhdit të ketë shpallur 15 tendera për punë të ndryshme në vetëm 72 ditë. Vlera totale e parave të planifikuara për tu investuar në këto tendera është një cmenduri, plot 1 miliard e 300 milonë lekë (të vjetra).
Tendera për shtrim rrugësh me beton, tendera për asfaltim rrugësh në disa fshtara, tendera për furnizim me naftë dhe mish, tendera për restaurime objekte të ndryshme, tendera për ndërtim parqesh me vlera marramëndëse, të gjitha të lëna për tu organizuar pikërisht në javët e fundit të mandatit.
Plot 1 miliar e gjysëm lekë të taksapaguesve librazhdas Gurra ka vendosur ti shpenzojë pikërisht tani që është në përfundim të mandatit.
