Pas sekuestrimit të vilës së ish-gruas (Albina Mançka) së Arben Ahmetajt, SPAK ka vënë nën sekuestro një tjetër pasuri. Bëhet fjalë për një vilë në zonën e Hamallajt.
Kjo pronë, ndodhet në rezidencën “Vala Mar” buzë detit, në Hamallaj në pronësi të partneres së ish-zv/kryeministrit, Erjola Hoxha.
Në këtë vilë jeton edhe vetë deputeti socialist. Sekuestrimet janë bërë me urdhër të SPAK-ut.
Prokuroria e Posaçme po e heton Ahmetajn për veprat penale që i përkasin dy procedimeve penale, inceneratorin dhe pasurinë, të cilat janë bashkuar në një të vetëm.
