Në Librazhd ende nuk është zyrtarizuar asnjë kandidat për bashkinë nga kampi socialist. Drejtuesi politik i këtij qarku, Damian Gjiknuri, teksa ka zhvilluar disa takime në bazë për të marrë propozime reale për kandidaturën në zgjedhjet e 14 Majit, ende nuk ka bërë publik asnjë emër zyrtarisht.
Nga burime konfidenciale për portalin Timoni.al, mësohet se emrat që janë finalistët e ‘televotimit’ të bërë në antarësinë e partisë socialiste në Librazhd janë Ermal Kurti dhe Mariglen Disha.
Dukshëm Kurti ka qënë në avantazh në këtë garë deri përpara pak javësh, por në ditët e fundit ujrat janë trazuar edhe një herë dhe në avantazh është ish drejtori i Aluiznit Elbasan, Mariglen Disha.
Ky i fundit është parë ditët e fundit në Librazhd në disa takime të ndryshme dhe është në pritje të verdiktit final nga drejtuesi qarkut Damian Gjiknuri.
Por mesa duket Gjiknuri, do vendosë për emrin e kandidatit të Librazhdit në minutat e fundit duke lënë në pritje deri të premten antarësinë e Librazhdit që pret me padurimin emrin e ri.
E premtja e kësaj jave është edhe afati i fundit për emrat që partitë politike duhet të depozitojnë në KQZ si kandidatë për bashkitë në zgjedhjet vendore të 14 Majit.
