Partia Demokratike e udhëhequr nga kryetari i komanduar Enkelejd Alibeaj ka debozituar ditën e sotme në Komisionin e Ankimeve dhe Sanksioneve kërkesë për çregjistrimin e koalicionit “Bashkë Fitojmë”.
Gjithashtu, aty theksohet se Komisioni i Rithemelimit nuk mund të nxjerrë kandidatë në 14 maj.
Në kërkesën e paraqitur nga përfaqësuesi ligjor, Indrit Sefa, thuhet se marrëveshjes i mungon elementi për përcaktimin e kandidatëve nga secila parti politike.
“Në kushtet kur subjekti “Komisioni i Përkohshëm i Rithemelimit” është përjashtuar nga marrëveshja, mbetet e paqartë se cila parti politike do të propozojë kandidatët e koalicionit”, thuhet në kërkesë.
Kërkesa për regjistrimin e koalicionin të Ilir Metës dhe Sali Berishën përmban në marrëveshjen mes tyre referenca te Partia Demokratike e Shqipërisë dhe në kushtet kur kjo e fundit as nëpërmjet kryetarit të saj apo ndonjë personi tjetër të autorizuar nga ana e tij, nuk ka shprehur vullnetin për të qenë pjesëmarrëse në këtë koalicion.
Ndonëse, kreu i KQZ Ilirjan Celibashi, përjashtoi ish-kryeministrin Sali Berisha si pjesë e koalicionit duke mbetur vetëm Partia e Lirisë, PDK dhe PBDNJ, ky vendim nuk i ka mjaftuar PD së Alibeajt të cilët janë kundër këtij koalicioni. PD parashtron argumente si përdorimin e emrin dhe simboleve pa vullnetit e kryetarit të komandar Alibreaj si dhe mbetët ende e paqartë se cila parti do të propozojë kandidatët për bashkitë dhe anëtarët e Këshillit Bashkiak.
Kujtojmë se Berisha krijoi koalicion për zgjedhjet e 14 majit me Ilir Metën, Vangjel Dulen dhe Nard Ndokën.
