Në orët e para të mëngjesit të sotëm është regjistruar një aksident në aksin Thumanë-Fushë Krujë ku për pasojë ka ndërruar jetë 50-vjeçari, Luan Dukaj.
Mësohet se ka edhe të plagosur ku një prej tyre ka marrë lëndime të rënda dhe është dërguar në Spitalin e Traumës në Tiranë.
Makina e cila u aksidentua po udhëtonte drejt veriut të vendit. Mësohet se drejtuesi i mjetit ka humbur kontrollin dhe më pas është përplasur me barrierat anësore.
Shkak i shpejtësisë dyshohet të ketë qenë shpejtësia tej normave, por grupi hetimor po punon për përcaktimin e shkakut.
