Gjykata e Fierit ka shpallur fajtor ditën e sotme Elton Bengajn (Metajn) si autor të vrasjes së bashkëshortes së tij Sabrina Bengajt, duke e dënuar me burgim të përjetshëm.
Vendimi është dhënës në mungese të autorit. Elton Bengaj (Metaj) vuajtjen e dënimit do t’a bëjë në një burg të sigurisë së lartë.
Vendimi është marrë trupi gjykues i kryesuar nga gjyqtare Sonila Hoxhaj, Taulant Banushi, Miranda Noka ndërsa Prokuror i çështjes ka qene Ervisa Hyka.
Elton Bengaj dhe Sabrina Bengaj kishin lidhur martesë në vitin 2017, martesë nga e cila është sjellë në jetë vajza e tyre. Bashkëjetesa midis tyre ishte ndërprerë në vitin 2020, për shkak të dhunës fizike dhe psikologjike të ushtruar nga bashkëshorti Elton Bengaj ndaj Sabrinës e cila së bashku me vajzën e mitur ishtë zhvendosur në banesën e prindërve të saj në fshatin Zhupan të Fier.
