Vetëm 2 ditë burg ishin për 4 efektivët që dhunuan shqiptarin Sajmir Zefi, në Greqi. Ata kanë këruar falje për veprimin e tyre dhe në këtë mënyrë ata janë liruar pa kushte.
Katër oficerët e policisë të cilët dhunuan shqiptarin Sajmir Zefi në Greqi kanë lënë qelinë. Sipas mediave vendase mësohet se lirimi i oficerëve është bër pasi ata kishin kërkuar falje.
Ngjarja e rëndë ndodhi disa ditë më parë ku shqiptari Sajmir Zefi u dhunua barbarisht nga katër efektivët.
Teksa ai ishte duke u tranferuar nga Selaniku në burgjet e Korydallos, 4 policët akuzohen se nisën të dhunonin shqiptarin.
Mediet greke raportojnë se i burgosuri shqiptar deklaroi gjithashtu se kur mbërriti në burgun e Koridhalosit në Athinë i vendosën në kokë një helmetë në mënyrë që të mos shiheshin goditjet në kokë. Sipas mediave kryesore greke, brenda mjetit ndodheshin 11 të burgosur të cilët gjithashtu dëshmuan se policët e kanë rrahur të dënuarin shqiptar. Një nga gardianët e burgut të Koridhalosit ka vënë re shenjat në kokën e të burgosurit dhe ka njoftuar policinë e cila arrestoi katër pjesëtarët e policisë, njoftuan mediat kryesore greke.
Ndërkohë, policët grekë kanë pretenduar se helmeta ishte vendosur pasi i burgosuri po tentonte të godiste vetë kokën.
Në një video të publikaur ka qenë Zefi ai i cili ka treguar barbaritetin e treguar nga oficerët. Ai tha se e kanë goditur në kokë si dhe në trup duke i bërë të pamundur lëvizjen.
