Seanca gjyqësore për Fatojn Muratin në Gjykatën e Tiranës është shtyrë për t’u zhvilluar më datë 29 mars. Në këtë gjyq, Murati akuzohet bashkë me Kristian Gjinin se kanë qenë posedues të disa armëve me precizion të lartë, të kapura nga në korrik 2022.
Shkak për shtyrjen e seancës së sotme është bërë mungesa në gjyq e avokates së Kristian Gjinit. Ndërkohë, vetë Fatjon Murati është në arrati dhe tre ditë më parë në lokalin e tij u bë atentat.
Rreth tre muaj pas operacionit të Policisë për kapjen e armëve të zjarrit në disa shtëpi të marra me qira nga Kristian Gjini, në muajin tetor 2022, u ndalua dhe shtetasi Fatjon Murati. Ai lëvizte me makinë të blinduar nën shoqërinë e një tjetër eksponenti të lartë të krimit.
37 vjeçari u mor në pyetje për atentatin e ndodhur në mbikalimin e Fushë Krujës, më 17 korrik 2022, ku mbetën të vrarë Brilant Martinaj dhe dy miq të tij. Megjithatë, Fatjon Murati u la i lirë, pasi pretendoi se atë ditë kishte qenë në një tjetër ambient dhe kamerat e sigurisë e provonin këtë.
