Një 34-vjeçare shqiptare me banim në Greqi ka denoncuar përpara autoriteteve policore në ishullin e Kos, dhunën e ushtruar nga ish-bashkëshporti i saj, po me origjinë shqiptare.
Sipas kallëzimit, i cili është dorëzuar të shtunën e kaluar, autori i dyshuar i është afruar me makinë 34-vjeçares, teksa ajo po ecte me miqtë e saj dhe ka nxjerrë armën duke e kërcënuar me jetë.
44-vjeçari u arrestua të njëjtën pasdite dhe i dorëzoi vullnetarisht policisë një pistoletë, një kuti me fishekë metalikë dhe celularin e tij.
Shqiptari ka mohuar akuzat e ngritura dhe ka bërë një denoncim për kallëzim të rremë ndaj ish-bashkëshortes. Mirëpo, ndaj tij është ngritur akuzë për shkelje të ligjit për armët, kanosje dhe shantazh përmes videove pornografike.
