Asgjë në dritë për momentin. Grupi hetimor i policisë së Tiranës dhe prokurorisë nuk kanë pistë konkrete për atentatin që u bë mbrëmjen e së dielës në “Don Bosko” në lokalin e Fatjon Muratit ku mbeti e vdekur një grua e pafajshme, Mimoza Paja.
Një burim nga grupi hetimor tha për “Timoni.al” se nuk përjashtohet mundësia që atentati të jetë i lidhur me masakrën e Fushë Krujës, ku u vranë tre persona.
Vrasja e banakieres tronditi opinionin publik duke krijuar pasiguri të madhe, pasi Paja 58-vjeçe nuk kishte hesape për të larë dhe punonte për bukën e gojës.
Por cili ishte mesazhi i killerave që hapën zjarr me kallash në distancë? “Donte t’i hiqte të gjithë, pasi aty ishin të gjithë familjarë njerëzit e pronarit të lokalit” tha për “Timoni.al” një personat që është duke hetuar këtë dosje.
