Gazetarja Klodiana Lala ka treguar detaje nga ngjarja e një nate më parë në rrugën Don Bosco, ku mbeti e vrarë Mimoza Paja dhe 5 persona u plagosën.
Lala është shprehur në emisionin “Opinion” se në vendngjarje janë gjetur një numër i lartë gëzhojash, ndërsa tregoi edhe traumën e shkaktuar tek vogëlushja 10-vjeçare që pa gjyshen t’i vritej para syve.
“Vajza e vogël në momentet e para siç tregojnë dëshmitarët ka ulëritur të kthejnë në jetë gjyshen dhe kur ka dalë prekte trupin sepse ishte e gjakosur nga ciflat dhe mendonte se ishte vrarë dhe vetë.
Mbrëmë janë sekuestruar gëzhoja dhe sot janë sekuestruar 15 gëzhoja të reja. Aty është një lokal i ndriçuar dhe ata kanë parë që aty ishte fëmija brenda”, tha Lala.
