Menaxheri i FIFA-s, shqiptari Bruno Dodi që operon në Athinë, por edhe në mbarë Europën me transferimin e lojtarëve shqiptarë sidomos, por edhe të huaj, duket se vazhdon që të spikatë. Kështu, së fundmi ai ka bërë “bingo” duke transferuar në klubin e Valencias tre lojtar shqiptarë, që pasi janë testuar kanë bindur drejtuesit e klubit. Janë dy shqiptarë, si sulmuesi i krahut, korçari Mariel Deme, por edhe lezhjani si sulmues qendre, Bruno Therqaj, të cilët me shumë gjasa në shtatorin e ardhshëm do të jenë me destinacion të ri për karrierën e tyre.
Bruno Dodi, pak ditë më parë mundësoi edhe transferimin e shkodranit Jorgen Qemali te Adana Demirspor, por që zyrtarizimi u shty edhe për shkak të tërmetit që përfshiu zonën e Adanasë…
Krahas dy shqiptarëve të talemtuar si Deme e Therqaj, është edhe një tjetër djalosh nga Ethiopia që ka kaluar me sukses testin spanjoll. “Në fakt, ka qenë një periudhë testimesh dhe Mariel Deme dhe Bruno Therqaj, por edhe një djal i ri nga Ethipia kaluan me sukses testimet dhe më vjen goxha mire sepse e ardhmja e tyre do jete ndryshe. Unë realisht isha i bindur sepse e njoh mirë kapacitetin e djemve. Ata tashmë kanë të hapur një derë shumë të madhe për karrierën e tyre dhe të ardhmen e afërt, psi mund të bëhen pjesë e futhollit elitar spanjoll, pra nuk është pak dhe unë iu uroj vetëm suksese”, – tha menaxheri Bruno Dodi që po mundëson kalimin e shumë të rinjve shqiptarë në kampionate të njohura të Europës…
