Një histori sa për të qeshur aq edhe për të qarë që ka vënë në siklet edhe vetë qeverinë. Anëtarësimi i Damian Gjiknurit dhe bashkëshortes së tij Rovena Gjiknuri në sektin e dyshimtë dhe misterioz të gurusë indian i quajtur Paramahamsa Vishewandanda.
Ndjekësja më e zjarrtë e gurusë në Shqipëri, që pretendon se nxjerrë florinj nga goja, është pikërisht bashkëshortja e Gjiknurit, Rovena Gjiknuri.
Shumëkush thjeshtë nuk do ta besonte përkatësinë e çiftit në këtë sekt të dyshimtë, por në dhjetor të vitit 2018, u publikua një video e bashkëshortes së Gjiknurit duke i puthur këmbë gurusë indian, Paramahamsa Vishewanda, në momentin e mbërritjes së tij në Aeroportin e Rinasit.
Madje e gjithë ceremonia me puthje të zjarrta këmbësh dhe toke ku shkelte guruja, me shkulje flokësh dhe përpëlitje para gurusë, ishte organizuar nga Rovena Gjiknuri, e cila më pas tha se “Unë po zbuloj veten, ne nuk e njohim veten, të gjithë mendojnë se e njohim. Nuk e njohim atë pjesë hyjnore tonën dhe e njohim përmes dashurisë… Eksperiencat janë të jashtëzakonshme dhe unë i kam parë të ndodhin që ditën e parë që jam takuar me të. Nuk e dija që po kërkoja një guru”.
Rovena Gjiknuri ka udhëtuar disa herë drejt Indisë për të takuar gurunë, herë me Gjiknurin dhe herë me personazhe të tjerë.
Prapaskena ka mësuar nga burime të rrethit të brendshëm se teksa Gjiknuri merrej me pazare dhe afera financiare në Tiranë, Rovena Gjiknuri ka udhëtuar drejt Indisë me ish Kryebashkiakun e Natës së Tiranës, Briken Fejzullai, për të ngjitur Malin e Shenjtë natën me gurunë e dyshuar për mashtrim.
Për këtë udhëtim me plot detaje befasuese, rite të çuditshme dhe seanca hipnoze, do të flasim në vijim, pasi sot do të ndalemi rreth figurës së gurusë që ka hipnotizuar dhe fandtaksur jo vetëm gruan e ish ministrit, por edhe vetëm ish ministrin e lidhur me shërbime informative, oligarkë serbë dhe rusë, qarqe të errëta korrupsione dhe fije të fuqishme financiare.
Guruja indian Paramahamsa Vishwananda prej vitesh ka themeluar sektin fetaro-shpirtëror të quajtur “Bhakti Marga”.
Gurua indian është është lakuar dhe akuzuar disa herë për mashtrim dhe vjedhje nga disa ish-anëtarë të sektit, ndërsa aktiviteti i sektit të tij ka qenë nën hetim dhe nga autoritetet indiane.
Ekziston dhe një video, që konsiderohet si një mashtrim spektakolar i dokumentuar i gurusë indian ku ai shfaqet në një seancë duke pretenduar se gjasme nxjerrë “copëza floriri’ nga goja, ku ndjekësit e tij gati sa nuk humbin ndjenjat nga kjo mrekulli, që në fakt është thjeshtë një truk.
Jo vetëm kaq, por Guruja indian i lidhur me ish-ministrin dhe deputetin Gjiknuri, rezulton se është emëruar zyrtarisht edhe si prift i kishës ruse, madje i shuguruar si “Peshkopi Michael”.
Në foton e mësipërme, mund të shihni guru-në indian të veshur si peshkop i kishës ruse, si dhe në ambientet në një kishë ruse pranë Moskës, ku ai shfaqet pranë disa objekteve ku kombinohen figurat e shenjtorëve orthodhoksë me simbole të paqarta që lidhen me praktika të supozuara indiane.
Më herët, Gjiknuri ka mbajtur si foto profili në “Whatsapp” një foto ku dukeshin ambientet e shtëpisë së tij të dekoruar me rastin e Vitit të Ri, ndërsa në murin e sallonit ishte vendosur në kornizë, në mes të shtëpisë, fotoja e gurusë indian. /Prapaskena/
