Një avion i kompanisë amerikane Southwest iu desh të bënte një ulje emergjente ditën e djeshme, pak pasi u ngrit nga aeroporti i Havanës, kryeqyteti i Kubës, pas një dëmtimi në motorët e saj.
Ngjarja ka ndodhur në orën 12:05.
Sipas njoftimeve të mediave dhe videos së një pasagjeri, dhe siç raportohet nga agjencitë ndërkombëtare dhe Agjencia e Lajmeve të Athinës, një motor i avionit ka marrë flakë kur është goditur nga zogjtë.
Në videon e realizuar nga një pasagjer, kabina e pasagjerëve është mbushur me tym teksa prindërit e panikuar përpiqen t’u tregojnë fëmijëve se si të vendosin maskat e oksigjenit.















