Prapaskena zbulon të tjera detaje nga jeta dhe veprimtaria e killerit Dan Hutra, i cili disa ditë më parë vrau tre gra të pafajshme dhe plagosi edhe tre të tjera.
Dan Hutra mësohet se vuante nga sëmundja e diabetit, ku për pasojë reagonte me shumë agresivitet pas çdo pyetje.
Vrasësi serial njihej si njeri i frustruar dhe besohet se ka qenë impotent. Impotenca e dyshuar besohet se ka prodhuar një urrejtje të verbër dhe të sëmurë tek ai për gratë.
Hutra dyshonte se tek çdo partnere se e tradhtonte. Ai vrau gruan e parë me thikë pasi dyshonte se e tradhtonte, kur ai flinte.
Prapaskena mëson se Hutra ka qëndruar në një qeli me Admir Tafilin, një nga njerëzit më të rrezikshëm në Shqipëri, i dyshuar si porositës krimesh nga burgu.
Nuk dihet nëse Hutra ka kryer ndonjë krim pas daljes nga burgu për llogari të grupeve kriminale.
Dan Hutra ka një procedim të hapur penal në Durrës për vjedhje pulash. Hutra ishte kapur në janar 2022 duke vjedhur pula në Durrës.
Dosja e tij kishte kaluar për gjykim nga Gjykata e Durrësit.
Dan Hutra u arrestua sërisht dhe bëri 8 muaj burg, pasi dhunoi bashkëjetuesen e radhës, Elena Hysën.
Në vitin 2003, Dan Hutra është dënuar për heqje të lirisë së nënës së kunatës së tij dhe përdhunimin e kunatës tjetër. Për këtë krim ai ka vuajtur vetëm 3 vite burg.
Në 11 dhjetor 2007, Dan Hutra vrau me thikë gruan Dafina Havaljan. Pas 16 vitesh burg, Dan Hutra ishe i lirë, por u kap duke vjedhur pula dhe u lirua.
Më pas dhunoi gruan e radhës dhe u lirua pas 8 muajsh. Në fund kreu masakrën më të rëndë të viteve të fundit.
