Kreu i Partisë Demokratike, Sali Berisha ndodhet në një mbledhje me Këshillin Kombëtar në lidhje me të ardhmen e vulës së partisë e cila Apeli vendosi t’ia jepte Alibeajt.
Mësohet se Berisha gjatë takimit i cili akoma po zhvillohet ka propozuar dy mënyra për të marrë pjesë në zgjedhje.
Sipas tij pjesëmarrja në zgjedhje do të jetë me koalicion ose kandidatët e Rithemelimit të futen në garë si kandidatë të pavarur.
Kreu i PD-së gjithashtu tha në mbledhje se do të dorëzojnë sot kërkesën për t’u regjistruar në zgjedhje.
“Ne do ndjekim rrugët gjyqësore. Ne sot do paraqesim në KQZ kërkesën për regjistrimin e PD në zgjedhje sepse kjo bazohet në faktin se nuk është në fuqi vendimi gjykatës dhe ata (grupimi Bashës) sipas kodit zgjedhor nuk mund te regjistrohen. Brava ka dhënë dorëheqjen dhe e ka mbajt peng Rama, dhe nesër ai do të shkojë në gjykatë dhe nesër ai do të pranojë që ka dhënë dorëheqjen. Nesër ai cakton Alibejan si kryetar. Kjo s’ka bazë ligjore. Të vendosim bashkë sot mënyrën sesi do paraqiten kandidatet tanë si të koalicionit apo të pavarur. Koalicion domethënë të bashkohemi me 1 ose 2 parti që kanë depozituar në KQZ ose 1 mijë firma në elektorat,” tha Berisha në mbledhje.
