Në orën 16:30 të pasdites së sotme ka përfunduar seanca gjyqësore në Gjykatën e Apelit për vulën e Partisë Demokratike. Trupa gjykuese është tërhequr për të marrë një vendim.
Përfaqësuesi ligjor i grupimit të Enkelekd Alibeajt ka kërkuar pushimin e vendimit të Shkallës së Parë, ose kthimin në Shkallën e Parë.
Ndërsa, përfaqësuesi ligjor i grupimit të Sali Berishës, Ivi Kaso deklaroi se pala ka paraqitur ankimimim, nuk legjitimohet për të bërë ankim. Ndër të tjera, ai ka kërkuar rrëzimin e ankimit të grupimit Alibeaj.
Por sido që të jetë sot pritet që të ketë një vendim nisur nga dy fakte. E para forcat e shumta të policisë që kanë rrethuar godinën që paralajmërojnë një vendim.
Dhe së dyti sot nuk ka pasur asnjë gjyq tjetër në Apel. Çdo person që futet dhe del ka lidhje vetëm me dosjen e vulës së PD-së. Administrata e Gjykatës së Apelit është sot e disponuar vetëm për çështjen e vulës.
