Shtetet e Bashkuara i kanë kërkuar Meksikës ekstradimin e djalit të bosit të burgosur të drogës Joaquin “El Chapo” Guzman, i akuzuar se ka ndjekur hapat e babait të tij. Lajmin e bëri me dije një zyrtar i qeverisë meksikane.
Ovidio Guzman, i cili u kap në janar, dyshohet se ka ndihmuar në drejtimin e kartelit famëkeq Sinaloa të babait të tij që kur El Chapo iu dorëzua Shteteve të Bashkuara në 2017.
Ambasada e SHBA në Mexico City paraqiti kërkesën për ekstradim në ministrinë e Jashtme dhe zyrën e prokurorit të përgjithshëm, sipas zëdhënësit, i cili nuk ishte i autorizuar të fliste për këtë çështje.
Dhjetë ushtarë dhe 19 kriminelë të dyshuar u vranë gjatë operacionit në bastionin e kartelit Sinaloa, me një shkëmbim zjarri dramatik që krijoi terror në aeroport.
