Kompania “Green Line” e biznesmenit Nadir Çausholli po merr më qafë qytetarët që përdorin transportin publik, me autobusët që ecin si të çmendur rrugëve të ngarkuara të Tiranës.
Autobusi i “Green Line” i linjës së urbanit të unazës që u aksidentua dje në Tiranë nuk e kishte për herë të parë. Vitin e kaluar në 29 prill në mbrëmje thuajse në të njëjtin vend një tjetër autobus i kësaj linje u aksidentua duke dalë nga rruga dhe përfunduar në lumin e Lanës.
Plotë me pasagjerë, por fatmirësisht gjithçka u mbyll pa të lënduar. Gjithashtu episodet e aksidenteve, por jo me pasoja të mëdha kanë vijuar edhe herë të tjera. Por kulmi ishte dje, ku urbani përfundoi duke marrë përpara nëntë makina.
Nënta persona mes tyre shoferi i urbanit u plagosën duke përfunduar në spital. Rasti aksidentit të djeshëm nxjerr në pah shumë probleme përpos sigurisë me të cilat përballen qytetarët cdo ditë në Tiranë. Shpreh se nëse do që të mos mbarosh punë udhëto me urban në Tiranë gjen vend më shumë se asnjëherë dhe askund tjetër.
Akuzat dhe dyshimet kanë qenë të shumta për kontrollin dhe cilësinë e këtyre autobusëve të që janë shndërruar në “Green Line” nga Erion Veliaj dhe biznesmeni Nadir Çausholli, që i mori në mënyrë preferenciale, por që është kthyer në burim aksidentesh duke rrezikuar jetën e njerëzve.
Por ky biznesmen kontrovers ka qenë në qendër të shtypit jo vetëm për autobus por edhe spitalin gjerman për shtesat dhe katet pa leje. Megjithatë gjithmonë ia ka hedhur paq për shkak të lidhjeve të forta dhe okulte, si në rastin e autobusëve me bashkinë e Tiranës që drejtohet nga Erion Veliaj.
