Një aksident rrugor ka ndodhur në aksin Përrenjas-Librazh, ku automjeti i tonazhit të rëndë tip cisternë gazi ka dalë nga rruga.
Burime për median bëjnë me dije se ngjarja ka ndodhur në vendin e quajtur “Kthesat e Pishkashit” rreth orës 11:15, ku dyshohet se shkak për aksidentin ka qenë moti i lagësht.
Mësohet se drejtuesi i mjetit lagësht ka humbur drejtimin e lëvizjes duke dalë jashtë rruge, ku për pasojë është përmbysur dhe rrokullisur në greminë për disa metra.
Fatmirësisht nuk ka shpërthyer depozita e ngarkesës me gaz por drejtuesi i mjetit ka mbetur i plagosur. Policia ndodhet në vendin e ngjarjes.
