Milan i jep lamtumirën “San Siros”. Sipas mediave italiane, kuqezinjtë kanë vendosur tashmë të vazhdojnë rrugën e tyre, larg stadiumit mitik, ku kanë shkruar historinë.
Duke marrë shembull nga Premier League, te Milani e dinë mirë rëndësinë e një stadiumi në pronësi. Pikërisht për këtë arsye, janë gati të hedhin një hap historik, për t’u larguar nga stadiumi mitik.
Për ndërtimin e stadiumit të ri, drejtuesit e Milanit kanë në dorë tre vende, të cilat po i studiojnë me qetësi. I pari është ai në Sesto San Giovanni. Vendi i zgjedhur për ndërtimi ne stadiumit, është privat dhe do të shmangte shumë burokraci.
Opsioni i tretë është shumë pranë San Siros, saktësisht në La Maurra, një terren prej 73 hektarësh, që aktualisht përdoret për stërvitjen e kuajve. Drejtuesit e Milanit po studiojnë të tre opsionet, për të parë se cili nga ata do të ishte më i shpejtë për t’u realizuar, por edhe më praktik për tifozerinë.
Gjithsesi, e rëndësishme është që te Milani tani e kanë vendosur të ndahen nga “San Siro”, por edhe nga Interi, pasi nuk do të përdorin më të njëjtin stadium.
