Polica greke ka shkatërruar një rrjet ndërkombëtar trafiku që prostituonte vajza të reja nga Amerika Latine në vendin tonë fqinj.
Nga operacioni i kryer janë arrestuar 8 persona mes tyre 6 shqiptarë.
Sipas mediave greke, fillimisht vajzat kanë shkuar në Greqi nga rrjeti kriminal i cili u mbulonte shpenzimet, ndërsa më pas janë mbajtur peng në hotel.
Vajzat kanë marrë leje për të dalë dhe kanë qenë gjithmonë të shoqëruara.
Ka qenë një viktimë e cila ka kontaktuar policinë në numrin 112 dhe ka denoncuar hotelin. Por duket se deri sa policia mbërriti në hotel, trafikantët kishin marrë informacion për kontrollin, duke larguar viktimat nga godina.
Hetimet kanë nisur që në muajin shtator, duke përfunduar sot me arrestimin e autorëve.
