Gjykata e Fierit ka caktuar masën e sigurisë ”arrest me burg” për 44 vjeçarin nga Dermenasi Erjon Marini, ku tre ditë më parë Policia ka zbuluar bimë narkotike në vilën e tij, të cilën e kishte përshtatur për kultivim të kanabisit.
Mësohet se e njëjta masë sigurie është vendosur dhe për faturistin Klajdi Gremi, ndërsa është lënë me detyrim paraqitje, elektriçisti Behar Feta.
Theksojmë se tre ditë më parë Policia gjeti dhe sekuestroi 181 rrënjë kanabisativa të mbjella në vazo në 5 dhoma gjumi në katin e tretë të vilës së Erion Marinit në Dërmënas. 44 vjeçari Marini akuzohet për kultivim të bimëve narkotike, ndërsa dy punonjësit e OSHEE akuzohen për shpërdorim detyre.
