Pjesëtarët e Shoqatës së Kosovës për Kërkim dhe Shpëtim, sot kanë nxjerrë të gjallë një 3-vjeçare nga rrënojat e tërmetit në Hatay-Antakya në Turqi.
Lajmi është bërë i ditur nga Shoqata e Kosovës për Kërkim dhe Shpëtim, e cila ka publikuar videon e momentit kur është shpëtuar 3-vjeçarja.
“Lajmi më i bukur që mundet me ardh sot në ditën e 10 pas termetit shpëtimi i vogëlushes 3 vjeçare nga pjestarët e Shoqatës”, është shkruar në faqen zyrtare të shoqatës në Facebook.
Shoqata e Kosovës për Kërkim dhe Shpëtim ka ndihmuar edhe në shpëtimin e një 26-vjeçareje nga rrënojat në Turqi.
Mbi 40 mijë persona kanë vdekur në Turqi dhe Siri si pasojë e tërmetit të 6 shkurtit.
