Janë zbardhur detaje të reja nga urdhër-arrestet e lëshuara nga SPAK për 4 zyrtarë të Bashkisë së Dimalit dhe një ekonomisti (menaxher i një shoqërie tregtare) dhe një inxhinier pranë një shoqërie tregtare.
Burime bëjnë me dije se hetimet për këtë çështje kanë nisur në nëntor të vitit 2020 nga kallezimi i një qytetari me inicialet P.B.. Në kallëzim qytetari akuzon punonjësit e Bashkisë së Dimalit, se i kanë dëmtuar biznesin e ngritur në një pronë publike të cilën ai e posedonte që prej fillimit të viteve 90’ me justifikimin se do të ndërtohej lulishte, por sipas tij pas prishjes prona i eshte kaluar nja qytetari tjetër.
Më tej në kallëzim thuhet se ne atë vend ka nisur të ndërtohet një objekti që sipas kallëzuesit është po ashtu privat dhe jo lulishtja që ishte njoftuar. Punimet për lulishte nga ana e Bashkisë, nuk kanë pasur si qëllim zgjerimin e hapësirave publike, por të favorizonin personin tjetër, me të cilin kallëzuesi pranon se ka pasur një konflikt pronësie. Pas gati 2 vitesh hetime për këtë çështje këtë të martë SPAK lëshoi 6 urdhër arreste.
Në pranga kanë përfunduar ish-shefi transporteve në bashkinë e Dimalit Arben Gurraj , drejtor i zyrës së Urbanistikës Altin Pali si dhe shefi i IKMT Agim Çunaj. Po kështu në pranga kanë përfunduar edhe inxhinieri i bashkisë Arjan Demiri si dhe ekonomistët, Vajet Kushi e Valntina Jançe, kjo e fundit nënb masën e sigurisë “Arrest në Shtëpi”.
Ata akuzohen për veprat penale “Korrupsioni pasiv i personave që ushtrojnë funksione publike”, “Ushtrimi i ndikimit të paligjshëm ndaj personave që ushtrojnë funksione publike” dhe “Shpërdorim të detyrës”.
