Që pas vrasjes, Policia organizoi disa operacione të dështuara për arrestimin e dy vëllezërve. Lëvizjet e tyre ishin të shpeshta dhe ata nuk mundën të arrestoheshin, por tashmë, Leonard Dukën e pret ekstradimi. Ai u prangos në një shtëpi private në një provincë të Brukselit, nga njësia Fast.
Leonard Duka është një nga 8 personat që është arrestuar sot në Belgjikë për vrasjen e Santiago Malkos. Megjithatë emri i Dukës nuk është i padëgjuar për drejtësinë, por edhe për publikun shqiptarë. Në prill të këtij viti, 37-vjeçari u arrestua pas një super aksioni të policisë. Pas një dosjeje tepër sekrete, të dërguar prej Agjencisë Gjermane Anti-Trafik (AGJT), policia shqiptare, mbikëqyrur nga agjentët special gjermanë dhe nga DEA-Amerikane, realizoi aksionin anti-drogë, me arrestimin e grupit “Duka” në Tiranë, i skeduar e faktuar, si grup i strukturuar i trafikut të drogës Shqipëri-Gjermani, duke prangosur 4 persona.
Policia bën me dije se kreu i këtij grupi ishte pikërisht 37-vjeçari Leonard Duka, ndërkohë që të arrestuar të tjerë ishin Elvis Gaçaj, 44 vjeç, Oltion Loga 38 vjeç dhe Dritan Agaj, 38 vjeç, persona që janë në kërkim gjithashtupër vrasjen e Malkos. Megjithatë, shpejt ata u liruan nga burgu, nën masën e sigurisë, “arrest shtëpie”. Por për mediat, Duka është i njohur edhe si i dashuri i miss-it, Trejsi Sejdini. 20-vjeçarja është e njohur për jetën e luksit që bën, që ia mundëson pikërisht i dashuri saj boss. Vetë Trejsi ka postuar foto me të në rrjetet sociale. Edhe pse është përpjekur që ta mbajë sekrete këtë histori dashurie, mediat, përfshirë edhe ato ndërkombëtaret duket se e kanë përmendur emrin e 20-vjeçares.
