Analisti Andi Bushati i ka bërë thirrje kreut të Partisë Demokratike, Sali Berisha të futet në grevë urie.
Në një intervistë për gazetaren Erla Mëhilli, Bushati theksoi se kjo është e vetmja mënyrë që opozita të fitojë kundrejt Ramës.
Ndër të tjera ai tha se opozita është e detyruar të sillet në këtë mënyrë se i hiqet edhe e vetmja e drejtë që ka, ajo e fjalës.
“Opozita po kërkon komision hetimor për diçka për të cilën po zien e gjithë bota dhe kush është reagimi, 10 deputetë përjashtohen. Kemi arritur në një absurd. Po të isha unë do kisha thënë që të braktisnim parlamentin, ose të futen grevë urie në atë parlament. Jemi përballë një regjimi që do t’i heqë njerëzve të drejtën e fjalës. A duhen debatuan këto gjëra në këtë vend apo do bëhemi delet e një njeriu. Edhe ato 3 fishekzjarrë dhe ato bilbila i shoh si reagim ndaj kësaj”, tha Bushati.
