Në fillim ishte Xhonatan Islami, tani është radha e Bledi Manes. Duket se banorët e rinj që i bashkohen shtëpisë së “Big Brother Vip” kanë tendencën të ndajnë informacione nga jashtë me Olta Gixharin.
Bledi Mane që duket qartë që ka hyrë në shtëpi me misionin për të acaruar Luizin, i ka thënë Oltës në një bisedë se ajo shikohet si luaneshë jashtë dhe luani është Luizi.
“Nuk është Kiara luaneshë në këtë shtëpi. Je ti dhe luani është ai. Ndërkohë që unë jam tigri që po rritem”, u shpreh Mane.
Sikur të mos mjaftonte kjo ai e ka përshkruar si e ka parë Oltën nga jashtë.
“Ti je shumë dimensionale. Ti të hënën dukesh budallaqe, të martën mafioze, të mërkurën një femër e poshtër, e ndyrë. Dy ditë i acaron njerëzit”, vazhdoi Bledi.
“Ky është super kompliment. Ti po më mahnit mua”, ia ka kthyer Olta që mori zemër nga çfarë i tha Bledi Mane që ndoshta do të jetë ‘ushtari’ i saj i ri pas largimit të Amosit.
