Pas aksidentit të rëndë që ndodhi pak muaj më parë në Itali ku ndërruan jetë 4 shqiptarë raportohet se ka dalë nga koma shoferi.
O.L. ndodhej në makinë me partneren e tij, djalin e tyre një vjeç e gjysmë si dhe kunetërit e tij të cilët humbën jetën.
Aksidenti ndodhi në Via Emilia në Gaida, një komunë në provincën e Reggio Emilia.
Tani tre muaj më vonë, 32-vjeçari shqiptar është zgjuar, edhe pse gjendja e tij neurologjike mbetet mjaft e rëndë.
I riu ende nuk është në gjendje të flasë dhe duket se nuk kujton asgjë nga ajo që ka ndodhur.
Krahas pasojave të rënda për shëndetin, 32-vjeçarit tashmë do t’i duhet të përballet me tronditjen e humbjes shumë të rëndë dhe ndoshta edhe një gjyq.
Do të jetë detyrë e një eksperti që të kryejë kontrollet e duhura për të vlerësuar nëse ai është në gjendje ose jo të paraqitet në sallën e gjyqit.
