Një përplasje që gati përfundoi në përleshje fizike ndodhi mes Efit dhe Oltës në shtëpinë e Big Brother. Gjithcka nisi nga prova javore për Efin, të cilën ajo nuk e mbaroi, gjë që i kushtoi 10 mijë euro banorëve.
Moderatorja Arbana Osmani i mori dy vajzat në dhomën e rrëfimit duke kërkuar të qetësonte gjakrat mes tyre, por qe e pamundur.
Ndjesë kërkoi vetëm Efi, për fjalën “e neveritshme” që përdori për Oltën, ndërsa kjo e fundit, tha se nuk kishte bërë asnjë gabim për të cilën duhet të kërkonte falje.
Përveç faktit që nuk dëshiroi të kryente provën me Efin, për t’u kujdesur si çift për bebin kukull, Olta u shpreh se këtë nuk dëshironte ta bënte pasi e kishte të vështirë se prova do t’i kujtonte të birin.
