Xhuliano Skuka është zyrtarisht futbollisti më i ri i Metz, pasi skuadra franceze ka njoftuar ne rrjete sociale marrëveshjen me klubin e Partizanit për sulmuesin shqiptar. Të kuqtë do të përfitojnë plot 1.2 milionë euro nga ky transferim.
Xhuliano Skuka është paraqitur në zyrat e klubit ku ka firmosur kontratën e re deri në qershor të 2026-tës dhe ka pozuar me fanellën e skuadrës së re.
Metz e ka prezantuar me një video speciale bomberin ku shihen disa nga golat e tij spektakolarë dhe momente gjatë hedhjes së firmës në zyrat e klubit. Futbollisti shqiptar nis kështu aventurën e re me Metz ku do të pretendojë të ngjitet në elitën e futbollit francez, aty ku e presin yje si Messi, Mbappe e Neymar.
Ky transferim i sumuesit të Partizanit është një ëndërr e bërë realitet, pasi 10 vite më parë Xhuliano Skuka e ka nisur karrierën pikërisht në Francë. Në vitin 2013 ai mbante veshur fanelën e Metz duke shpresuar se një ditë do ta përfaqësonte këtë ekip. Pas 10 vitesh, sulmuesi shqiptar është blerë për 1.2 milionë euro nga skuadra franceze.
