Një 21-vjeçare shqiptare ka rënë në prangat e policisë italiane pasi u kap në flagrancë teksa ishte duke kultivuar bimë narkotike.
Sipas mediave vendase mësohet se gjatë një operacioni karabinierët Cavagnolo nën urdhrat e marshallit Gianni D’Angelo u ngjitën në fshatin Collegna, në kodrën e Verrua Savoia.
Në një fermë dykatëshe, të fshehur në pyllin Verru, ata zbuluan një serë ku rriteshin 630 bimë hashash , disa prej të cilave ishin mbi një metër të gjata.
Gjatë kontrollit të shtëpisë, ushtria sekuestroi të gjithë materialin e përdorur për rritjen dhe paketimin e drogës, duke përfshirë llambat dhe ventilatorët për kondicionimin e mjedisit .
Ndërkohë, në pranga ra edhe 21 vjeçarja me kombësi shqiptare, e cila banonte në atë shtëpi dhe kujdesej për bimët.
E reja identiteti i të cilës ende nuk është bërë me dije ndodhet në paraburgim, ndërsa hetimet po vijojnë.
