Dy shqiptarë, njëri sapo erdhi nga Turqia në Barcelonë dhe tjetri në Madrid u arrestuan në Spanjë. Të dy ishin në kërkim nga drejtësia shqiptare për një atentat që mbeti në tentativë. Dy të arrestuarit janë Edmir Vlashin dhe Hektor Ndokën.
Operacioni i Policisë së Shtetit u bë më 8 dhjetor të vitit 2021, ku u arrestuan 4 persona, ndërsa Vlashi dhe Ndoka u shpallën në kërkim. Gjatë operacionit u sekuestruan lëndë eksplozive C4, dy armë automatike, dy kallashnikovë, snajperë, mijëra euro, fishekë e kapsolla detonatorë.
Edmir Vlashi dhe Hektor Ndoka në bashkëpunim me njëri-tjetrin dyshohet se kishin planifikuar të kryenin vrasjen e Preng Palucës në qytetin e Tiranës për shkak të konflikteve të mëparshme në lidhje me prishjen e pazareve të drogës, jashtë shtetit, por që fatmirësisht u parandalua nga policia.
