Dy shqiptarë që ishin në kërkim ndërkombëtar kanë rënë në prangat e policisë spanjolle.
Bëhet me dije se dy personat ishin në kërkim ndërkombëtar pasi akuzohen për disa vepra penale. Shqiptarët akuzohen për armëmbajtje pa leje, pastrim parash dhe për mbajte të lëndëve plasëse. Madje dyshohet se ata po planifikonin të ekzekutonin anëtarin e bandës rivale.
Mediat spanjolle nuk kanë dhënë detaje të tjera sa i takon identitetit të shqiptarëve të arrestuar, të cilët kërkoheshin gjithashtu edhe nga policia shqiptare.
