Aktori i madh shqiptar Ndriçim Xhepa është një nga kandidatët për t’u bërë pjesë e Këshillit Drejtues të RTSH-së. Sot ishte seanca dëgjimore në komisionin parlamentar, ku shpalosi platformën e tij nëse do të zgjidhet. Mes të tjerash, Xhepa foli edhe për spektaklet dhe emisionet e fundit në shumë televizione që janë kthyer në kryefjalë.

“Lekët mund të administrohen shumë herë më mirë në tek bota e fëmijëve, spektakli, të blihen filma të mirë. Kam bindjen që do të shkojë shikuesi. Do të themi ne, se ndoshta, spektatori jonë mund t’i tërheqë një emision ku vihen dy palë përballë, meshkuj, femra, kush e zë më përpara këtë!

Këtë nuk e korrigjojmë me dhunë, por ajo do të vijë me një mbingopje, veleritje. Them se, unë kam djalin tim. Kishte disa muaj, më pëlqente një hajvan, se nga ishte andej dhe bënte këto të repit. I fola, njëherë, pesë herë, 20 herë. “More bir, çfarë i merr nga kjo, çfarë kupton dhe pëlqen nga kjo?”.

Dhe për çudi tani, nuk i shkon më mendja tek ai. Kështu ndodh me njeriun, veleriten dhe e mënjanojnë. Dhe kjo dashuri për këto spektakle, kam përshtypjen që do të neglizhohet me kalimin e kohës, nga të tilla mediokritete dhe deri në ordinere” tha ai.