Nisi pasditen e sotme sesioni i ri parlamentar. I vetmi që nuk ka mbërritur deri më tani në Kuvend është kryeministri Edi Rama. E para që mbajti fjalë në këtë seancë ceremoniale ishte kryeparlamentarja Lindita Nikolla.
Më pas pritet që të flasin krerët e grupeve parlamentare. Por fjalën e mori deputeti i PD-së, Luçiano Boçi duke akuzuar shumicën se bllokoi me qëllim ngritjen e komisionit hetimor për udhëtimet e kryeministrit Edi Rama me charter.
“Rekordet e zeza të parlamentit që kanë vijuar me kufizimin e fjalës së opozitës. Me daljen e këtij parlamenti nga funksionet dhe shndërrimin e tij në një noter të ekzekutivit. Ju keni bllokuar projektrezolutën për gjenocidin serb në Kosovë. Ligjet tuaja kanë favorizuar klientelën. Ju keni penguar nisma dhe ligje nga opozita.
Por e fundit, që duhet të ishte përmendur, është kërkesa për ngritjen e komisionit hetimor për udhëtime e kryeministrit, charter-at. Është detyrim i parlamentit, sipas nenit 25. Kërkesa është firmosur nga 35 deputetë. Ky parlament ka vdekur. këtu vazhdojmë kot” tha ai.
