Athina zyrtare akuzon Turqinë se ka provokuar rëndë këtë të mërkurë, duke shkelur hapësirën ajrore greke. Mediat raportojnë për plot 95 “incidente ajrore”, duke përfshirë fluturimin mbi Detin Egje të dronëve, avionëve spiun dhe atyre luftarakë.
Nga 95 shkelje, 40 janë bërë nga tre dronë, 29 nga tre avionë spiun CN-235 dhe 26 të tjerat nga luftarakë F-16.
Sipas të dhënave të shpallura nga Autoriteti i Kontrollit të Trafikut Ajror Grek nga 20 gjuajtësit turq F-16 që fluturuan mbi arkipelag, 18 ishin të armatosur. Këto tensione vijnë në një kohë kur raporttet mes dy vendeve janë tepër të agravuara.
Pak ditë më parë, presidenti i Turqisë kërcënoi drejtpërdrejt fqinjin perëndimor të vendit të tij: Nëse grekët nuk “qëndrojnë të qetë”, tha ai, raketat e reja balistike të Turqisë do të godasin kryeqytetin e tyre.
Të dy vendet përballen me zgjedhje kombëtare në gjysmën e parë të vitit 2023, gjë që ka të ngjarë të rrisë retorikën edhe më tej, dhe lufta e Rusisë në Ukrainë ka treguar se një pushtim i një vendi më të vogël evropian nga një fuqi më e madhe fqinje nuk është më i paimagjinueshëm.
